itoca. Auh in axcan in Mallinalco ca yehuatl quitocayotica ipampa ca yehuatl icaca itoca in Mallinalxoch inic monotza altepetl Malinalco, quin yehuatl oncan ic tlatoca Macatacito, initoca Malinalxoch, inic acico, auh in yehuatl in Copil, ± yenoceppa huitz quihuicatz ichpoch itoca Atzcatlxochtzin oncan mocuepaco initocayocan Tecpantzinco.
Auh in yehuatl in Huitzilopochtli, niman huello quimahuelloquitac in ca yehuatl inimach in ye huey initoca Copil, niman oquimilhui initahuan, notahuane ximochichihuacan, ximocencahuacan ca ye huitz in tlahueliloc inomach, yeniyauh nicpopolotiuh nicmictiz, auh niman oquinamiz in oncan itocayocan Tepetzinco, auh inoquittac oquilhui, ac tehuatl campa tihuitz quihualilhui canehuatl occeppa conilhui campa mochan quihualilhui ca ompa in Texcal Tepeticpac, niman oquitto in Huitzilopochtli, ca ye qualli cuix amo tehuatl, inomichiuh inohueltiuh in Malinalxoch, niman oquito in Copil caquemaca canehuatl, auh cani mitzaciz, canimitzpopolotiuh tleipampa in ticochcauh, inticnahualcauh inonantzin, auh ca nimitz tlatlatiz conilhui in Huitzilopochtli, ca yequalli tlachihuallauh, niman ± ye ic monahualtotoca, niman ocacique in Copil in oncan Tepetzinco, auh iniquac inomic caniman quiquechcoton, niman ye queltequi inoquel tecconanilli iniyollo, auh icpac quitlalli in Tepetzintli initzonteco in axcan ye itocayocan Acopilco, auh itzonteco in Copil oncan mic.
Auh in yehuatl in Huitzilopochtli inoconmicti, niman ye ihualmotlallotia ica, iniyollo in Copil, auh in yehuatl in Teomama initoca Quauhtlequetzqui quinamictiuh in Huitzilopochtli, inoquinamic oquilhui oticmihiyohuilti tlamacazque oquihualilhui tlaxihuallauh Quauhtlequetzque, izca in yollo in tlahueliloc in Copil, ca onicmictito, auh xicmotlalochti in Tollitic in Acahitic ic tiquittaz oncan mani tepetlatl oncan mocehui in Quetzalcohuatl iniquac yah, auh in icpal centetl tlauh ye centetl tliltic, oncan timoquetzaz in tocon mayahuiz in yehuatl iniyollo in Copil, auh niman ye ic huitz in ± Quauhtlequetzqui in quimayahuitz yollotli inonacico in oncan oquitlatenehuilli, niman oquittac in tepetlatl, oncan moquetz in conmayauh yollotli, niman ompahuetzito in tollotic, in acaihtic, niman ye ic oncan mocuepa in oconmayauhuito in yollotli in yehuatl in Quauhcohuatl, annozo Quauhtlequetzqui contlamantilia inin tlatol huehuetque in ac yehuatl quimayahuico yollotli ipampa ce tlacatl in Quauhtlequetzqui nocetlacatl in Quauhcohuatl inic ocacico tehuan in Tenochtitlan, auh in Quauhtlequetzqui oncan mic in Chapoltepec ipan Ce calli xihuitl 1285 años. Auh in axcan tictocayotia Tlalcocomocco in oncan moquetz in Quauhcohuatl inic quimayahuico yollotli.
Auh inipan in omoteneuh Ce calli xihuitl, 1285 años, inic quinhualpehuaya Mexica in Malinalca, ihuan huey Tenanco in chan yehuantin oncan quimictique in Quauhtlequetzqui inyuh quitohua ± yece amo yaomiquin in Quauhtlequetzqui ipampa in Copil inichpoch quihualhuica
